Ամփոփվել է Դիջիկոդ 2023 մրցույթի մարզային փուլը

Ամփոփվել են ԴիջիԿոդ 2023 կիրառական ծրագրավորման պատանեկան հանրապետական մրցույթի մարզային փուլի արդյունքները։

Մրցույթի մարզային փուլի մոտ 400 աշակերտից արդեն հայտնի են նրանց անունները, ովքեր ապրիլի 29-ին Երեւանում Ամերիկյան համալսարանում կմասնակցեն ԴիջիԿոդի եզրափակիչ փուլին։ Մարզային փուլի հաղթող մասնակիցների անունները՝ այստեղ։

2015-ից սկսած՝ մրցույթն անցկացվում է 8-րդ անգամ։ Այս տարիներին դրան մասնակցել են հազարավոր դպրոցականներ, ստացել մրցանակներ, ճամբարների հրավերներ, պարգեւատրումներ։

««ԴիջիԿոդ»-ի հիմնական նպատակն է խրախուսել եւ զարգացնել դպրոցականների ալգորիթմական մտածողությունը, աշակերտներին խաղ սպառողից վերածել խաղ ստեղծողի, բացահայտել տաղանդավոր պատանիներին եւ հնարավորություն տալ զարգացնել ստեղծագործական ունակությունները»,- ասված է հաղորդագրությունում:

Մրցույթի կազմակերպիչն է Առաջատար տեխնոլոգիաների ձեռնարկությունների միությունը։