ChatGPT-ում այժմ հասանելի է ապրանքների որոնման եւ ընտրության հնարավորություն։
Չատբոտը առաջարկները ներկայացնում է պատկերներով, ակնարկներով եւ գնումների հղումներով։ Ֆունկցիան հասանելի է GPT-4o մոդելի օգտագործման դեպքում եւ առայժմ ներառում է «նորաձեւություն», «գեղեցկություն», «էլեկտրոնիկա» եւ «տնային ապրանքներ» կատեգորիաները, գրում է TechCrunch-ը։
OpenAI-ում շեշտել են, որ արդյունքները ձեւավորվում են «օրգանական» կերպով եւ գովազդ չէ։ Ապրանքների գների եւ առկայության վերաբերյալ տվյալներն ստացվում են գործընկերներից, ընկերությունը, սակայն, չի բացահայտել դրանց ցանկը։
Ավելի վաղ օգտատերերն արդեն օգտագործում էին ChatGPT-ն ապրանքների մասին տեղեկատվություն փնտրելու համար, սակայն այդ ժամանակ բոտը չէր ցուցադրում գներ, նկարներ կամ ակնարկներ։
Ապրանքների որոնման ինտերֆեյսը հիշեցնում է Google Shopping-ը։ Ընկերությունը միտումնավոր ընտրել է գնի եւ պատկերների քարտային ձեւաչափը, քանի որ այն մարդկանց ծանոթ է եւ հեշտ ընկալելի։
Թարմացումը դարձել է OpenAI-ի ռազմավարության մի մաս՝ ուղղված Google-ի հետ մրցակցությանը, գրում է The Verge-ը։ Ընկերությունում կարծում են, որ Google-ի որոնողական արդյունքների որակը վատթարացել է վճարովի առաջխաղացման դոմինանտության պատճառով։
14:52 | 29.04.25 |
Նորություններ
Amazon-ը տիեզերք է ուղարկել 1-ին ինտերնետային արբանյակների խումբը
13:22 | 29.04.25 |
Նորություններ
Հայկական Denovo Sciences-ը ներդրում է ստացել Քաթարի Alchemist-ից
