Krisp Hackathon 2025-ն ընդունում է հայտեր

Krisp-ը սեպտեմբերի 12-14-ը եռօրյա հաքաթոն է կազմակերպում Հայաստանի լավագույն ինժեներների համար: 

Սա բացառիկ հնարավորություն է`միավորվելու թիմերում, լուծելու ամենաառաջադեմ տեխնիկական մարտահրավերները եւ ստեղծելու GenAI-ի հնարավորություններն ընդլայնող նոր լուծում։ 

3-4 հոգանոց թիմեր 48 ժամում պետք է ստեղծեն AI-ով աշխատող չաթ հավելված, որը կկարողանա հաղորդակցվել հատուկ գիտելիքային բազայի հետ, այնպիսի բազայի, որը գերազանցում է ավանդական կոնտեքստի սահմանները եւ պահանջում է ստեղծագործական ու արտադրական կիրառմանն ուղղված ճարտարապետություն։

Մասնակիցները կստանան կառուցվածքային տվյալների հավաքածու եւ լիակատար ազատություն համակարգը նախագծելու համար։

Հարկավոր է ուշադրություն դարձնել հետեւյալ ուղղություններին․

•    RAG, GraphRAG կամ բազմաքայլ որոնման (multi-hop retrieval) տեխնիկաներ;
•    Կոնտեքստի եւ գործիքի փոխհամադրություն (օրինակ՝ MCP ոճի տրամաբանություն);
•    Գործակալային աշխատանքային հոսքեր, հիշողություն եւ պլանավորում;
•    Խելացի ինտեգրումներ ֆունկցիաների կամ գործիքների հետ;
•    Իրական աշխարհի սահմանափակումներին համահունչ նախագծված համակարգեր՝ ուշացում, ծախս եւ մասշտաբայնություն։

Հաղթող թիմը կստանա $5,000 դրամական մրցանակ։ 

Կարող են դիմել միջին եւ բարձր մակարդակի ինժեներներ՝ backend, frontend, ML կամ full-stack մասնագիտացումներով, ինչպես նաեւ՝ անհատներ կամ նախապես կազմավորված թիմեր (3-4 հոգանոց)։ Եթե դիմում եք որպես անհատ, ապա տեղում թիմ կձեւավորեք։

Դիմելու վերջնաժամկետը օգոստոսի 20-ն է, հայտերը լրացնել հնարավոր է այստեղ։