photo © OpenAI
Պրոմպտում մոդելից խնդրել էին ստեղծել մեկ էջանոց նկարելու հավելված՝ կտավով, գործիքներով, գունապնակով եւ ցանցով
photo © OpenAI
GPT-5-ի, o3-ի եւ GPT-4o-ի համեմատությունը մի քանի չափորոշիչներում
photo © OpenAI
GPT-5-ի, o3-ի եւ GPT-4o-ի համեմատությունը HealthBench չափորոշիչում, որը գնահատում է մոդելների պատասխանները բժշկական հարցումների դեպքում
photo © OpenAI
Նկարագրված է, թե ինչպես GPT-4o-ն եւ GPT-5-ը կատարել բանաստեղծություն գրելու առաջադրանքը
photo © OpenAI
OpenAI-ի մոդելների պատասխանների ճշգրտության համեմատությունը «մուլտիմոդալ չափորոշիչներում»
photo © OpenAI
OpenAI-ի մոդելների պատասխանների ճշգրտության համեմատությունը «մարդկային վերջին քննություն» թեստում, որը ստեղծված է ԱԲ-ի ակադեմիական կարողությունները գնահատելու համար
photo © OpenAI

OpenAI-ը ներկայացրել է GPT-5-ը

OpenAI-ը ներկայացրել է GPT-5-ը, որը հասանելի կլինի նաեւ անվճար օգտատերերին։

Ընկերությունը այն անվանում է իր «ամենաարագ, խելացի եւ օգտակար մոդելը»։

Մշակողների խոսքով՝ այն գերազանցում է նախորդ մոդելներին չափորոշիչներում, ավելի արագ է արձագանքում եւ ավելի քիչ «հալյուցինացիներ» ունենում, ինչպես նաեւ օգտակար է առօրյա հարցումների համար։

OpenAI-ն ասում է, որ GPT-5-ը ընկերության «ամենահզոր» մոդելն է ծրագրավորողների համար․ այն թույլ է տալիս ստեղծել «գեղեցիկ եւ ադապտիվ» կայքեր, հավելվածներ ու խաղեր ընդամենը «մեկ հրահանգով»։

Պրոմպտում մոդելից խնդրել էին ստեղծել մեկ էջանոց նկարելու հավելված՝ կտավով, գործիքներով, գունապնակով եւ ցանցով
photo © OpenAI

GPT-5-ի, o3-ի եւ GPT-4o-ի համեմատությունը մի քանի չափորոշիչներում
photo © OpenAI

Մոդելը լավ է կատարում նաեւ «գրական խորությամբ եւ ռիթմով» տեքստերի գեներացիայի առաջադրանքը։ Սակայն հարմար է նաեւ առօրյա խնդիրների համար՝ օրինակ հաշվետվությունների կամ էլ․ նամակների կազմման։

Նկարագրված է, թե ինչպես GPT-4o-ն եւ GPT-5-ը կատարել բանաստեղծություն գրելու առաջադրանքը
photo © OpenAI

Երրորդ կիրառման ոլորտը, որը շեշտում է OpenAI-ն, բժշկության հետ կապված հարցերն են։ ChatGPT-ն տալիս է «ավելի ճշգրիտ եւ հավաստի պատասխաններ»՝ հաշվի առնելով օգտատիրոջ համատեքստը, գիտելիքների մակարդակը եւ գտնվելու վայրը։ Ընկերությունը, սակայն, նշում է՝ չատբոտը չի փոխարինում բժշկին․ այն ավելի շուտ «գործընկեր» է, որը կարող է օգնել վերծանել արդյունքները եւ կազմել հարցեր։

GPT-5-ի, o3-ի եւ GPT-4o-ի համեմատությունը HealthBench չափորոշիչում, որը գնահատում է մոդելների պատասխանները բժշկական հարցումների դեպքում
photo © OpenAI

GPT-5-ն ավելի քիչ է օգտագործում անպետք էմոջիներ եւ ավելի «նուրբ ու մտածված» է արձագանքում՝ համեմատած GPT-4o-ի հետ։ Ընկերությունում կարծում են, որ շփումը չատբոտի հետ պետք է ոչ թե որպես «զրույց արհեստական բանականության հետ» զգացվի, այլ՝ որպես «զրույց գիտությունների դոկտորի, ինտելեկտ ունեցող ընկերոջ հետ»։

OpenAI-ի մոդելների պատասխանների ճշգրտության համեմատությունը «մուլտիմոդալ չափորոշիչներում»
photo © OpenAI

OpenAI-ի մոդելների պատասխանների ճշգրտության համեմատությունը «մարդկային վերջին քննություն» թեստում, որը ստեղծված է ԱԲ-ի ակադեմիական կարողությունները գնահատելու համար
photo © OpenAI

Ամենաբարդ խնդիրների համար OpenAI-ը թողարկել է GPT-5 Pro տարբերակը, որը կփոխարինի o3-pro-ին։ Այն «մտածում» է ավելի երկար, սակայն տրամադրում է «ամենաբարձր որակի եւ առավել ամբողջական պատասխաններ»։

GPT-5-ը հասանելի կլինի անվճար օգտատերերին, ինչպես նաեւ Plus, Pro եւ Team բաժանորդներին՝ սկսած 2025թ․ օգոստոսի 7-ից։ Enterprise եւ Edu բաժանորդները հասանելիություն կստանան մեկ շաբաթ անց։

Pro բաժանորդները կստանան «անսահմանափակ» հասանելիություն GPT-5-ին եւ GPT-5 Pro-ին։ Plus օգտատերերը կունենան ավելի մեծ օգտագործման սահմանաչափ, քան անվճար օգտատերերը։ Անվճար օգտատերերը սահմանաչափին հասնելու դեպքում ավտոմատ կանցնեն GPT-5 mini տարբերակին։