Հայաստանում հիմնադրված Trag ստարտափի թիմը, որը մշակել է LLM-ով աշխատող կոդի ստուգման համակարգ, միացել է Aikido-ին։
Trag-ը AI-ով աշխատող կոդի ստուգման համակարգ է, որը մտածում է ինչպես փորձառու ինժեներ, հասկանում կոդի համատեքստը, տրամաբանությունը եւ բարելավում արտադրողականությունը։
Aikido-ի մաս դառնալով, թիմը գործարկել է Aikido Code Quality գործիքը, որի օգտատերերն այժմ կարող են․
• թիմային փորձը («tribal knowledge») վերածել կանոնների, որպեսզի նորեկները չկրկնեն հին սխալները,
• թիմի կոնվենցիաները դարձնել «կոդ»․ պարզ լեզվով նշել, թե ինչն է համարվում «լավ» եւ դա կիրառել վերանայման ժամանակ,
• կանխել ռիսկերը,
• ստանալ օգտակար ու կիրառելի արձագանքներ։
Պաշտոնական հայտարարությունում նշվում է, որ Trag-ի թիմը՝ Խաչատուր Վիրաբյանը, Հովհաննես Ղեւոնդյանը, Մովսես Սապոնջյանն ու Ֆելիքս Մարկոսյանը, կմիանան Aikido-ի թիմին։
