Nvidia-ի եկամուտը մեկ տարում աճել են 56%-ով

Nvidia-ն գերազանցել է ներդրողների սպասելիքները երկրորդ եռամսյակի շահույթով, սակայն բաժնետոմսերը նվազել են գրեթե 3%-ով՝ Չինաստանում H20 չիպերի մատակարարումների բացակայության պատճառով։

Nvidia-ն հրապարակել է 2025 թ․ երկրորդ եռամսյակի արդյունքները։ Ընկերության եկամուտները մեկ տարում աճել են 56%-ով եւ կազմել 46,74 միլիարդ դոլար։ Մաքուր շահույթն աճել է 40,8%-ով՝ հասնելով 26,4 միլիարդ դոլարի։ 

Ընկերությունը նշել է, որ երկրորդ եռամսյակում Չինաստան չի մատակարարել H20 չիպերը, սակայն ստացել է 180 միլիոն դոլարի եկամուտ՝ վաճառելով պահեստային քանակները Չինաստանից դուրս գնորդներին։ Միեւնույն ժամանակ Nvidia-ն ակնկալում է ստանալ 2-5 միլիարդ դոլարի եկամուտ H20-ի վաճառքներից երրորդ եռամսյակում՝ «եթե թույլ տա գեոպոլիտիկական իրավիճակը»։

Nvidia-ի ղեկավարն ընդգծել է, որ ֆլագմանային Blackwell Ultra չիպերի արտադրությունը ընթանում է «ամբողջ թափով», իսկ պահանջարկը դրանց նկատմամբ «հսկայական է»։ Նրա խոսքով՝ նոր սերնդի չիպերը կդառնան հիմնական հարթակ արհեստական բանականության մրցավազքում։