Հայաստանում R&D մասնագետների համար եկամտահարկը նվազեցվել է

Հայաստանում գիտահետազոտական եւ փորձարարական կոնստրուկտորական աշխատանքներում (R&D) ներգրավված աշխատակիցների համար եկամտային հարկի դրույքաչափը նվազեցվել է՝ 20%-ից մինչեւ 10%։

Ներկայում 67 ընկերություն իրականացնում է շուրջ ութսուն R&D նախագիծ, որոնցում ներգրավված է մոտ 900 հետազոտող եւ մասնագետ։ Արտոնյալ հարկային դրույքաչափը գործում է հաստատված ծրագրերի ամբողջ իրականացման ընթացքում։

Եկամտային հարկի նվազեցումից բացի, R&D ոլորտի համար նախատեսված են նաեւ այլ հարկային խթաններ՝

•    սարքավորումների արագացված մաշվածություն,
•    շահութահարկի ընդլայնված նվազեցումներ,
•    որոշ գործարքների ԱԱՀ-ից ազատում։

Միջոցառումները նպատակ ունեն խթանել բարձր տեխնոլոգիաների զարգացումը, աջակցել նորարարությանը եւ նպաստել Հայաստանում բարձր ավելացված արժեք ստեղծող տնտեսության ձեւավորմանը։