ASUS-ը ներկայացրել է ProArt P16-ը՝ ավելի հզոր վիդեոքարտով

Անցյալում նոթբուքը պարզապես կոմպակտ սարք էր, որ եկել էր փոխարինելու ստացիոնար համակարգիչները։ Այսօր այն ստեղծագործելու համար նախատեսված լիարժեք գործիք է, հատկապես նրանց համար, որոնք աշխատում են ստեղծագործական նախագծերի վրա գրասենյակից դուրս։ 

Տեսանյութերի մոնտաժի, եռաչափ վիզուալիզացիայի եւ գրաֆիկական դիզայնի մասնագետները գնալով ավելի շատ են աշխատում հեռակա ռեժիմում՝ սրճարաններում, նկարահանման տաղավարում կամ նույնիսկ ճանապարհին։

ASUS ProArt P16-ը նոթբուքերի նոր ալիքի վառ ներկայացուցիչներից մեկն է, որը ստեղծվել է հատուկ այն օգտատերերի համար, որոնք ստեղծագործում են, խմբագրում եւ հրապարակում բովանդակություն ճանապարհորդելիս։ 2025 թվականին այն ստացավ նոթբուքերի համար նախատեսված ավելի հզոր RTX 50 շարքի դիսկրետ գրաֆիկական քարտ, ինչի շնորհիվ հատկապես գրավիչ է գրաֆիկայի եւ արհեստական բանականության գործիքների հետ աշխատողների համար։

Չնայած նման նոթբուքի համար բարակ պատյանի՝ այս սարքն ունի ճշգրիտ գունային պատկերով էկրան եւ արտաքին սարքեր միացնելու մեծ հնարավորություններ։

Այս հոդվածում ավելի մանրամասն կներկայացվեն ProArt P16-ի առանձնահատկությունները եւ հասկանալի կդառնա, թե որ հատկանիշների շնորհիվ է այն դարձել ժամանակակից ստեղծագործող մասնագետների անփոխարինելի գործիքը։

Զուսպ դիզայն պրոֆեսիոնալների համար 

Ի տարբերություն վառ խաղային մոդելների, ProArt P16-ը նախատեսված է պրոֆեսիոնալների համար, որոնք նախընտրում են զուսպ էլեգանտությունը: Այստեղ չկան ագրեսիվ գծեր, RGB-լուսավորություն կամ դիզայներական «առանձնահատկություններ»: Կորպուսը սեւ է՝ հետք չթողնող հատուկ ծածկույթով, ինչի շնորհիվ նոթբուքը մինիմալիստական տեսք ունի։ Բացի այդ, արտադրողները ներկայացրել են ProArt-ի նոր լակոնիկ տարբերանշանը։

Մեծ թվով ինտերֆեյսերը պարտադիր պայման են գրասենյակից դուրս աշխատողների համար։ Լրացուցիչ էկրանների եւ այլ արտաքին սարքերի առկայությունը երբեմն խիստ անհրաժեշտություն է տեսանյութերի եւ լուսանկարների հետ աշխատելու ժամանակ: ProArt P16-ն առաջարկում է այն ամենը, ինչ անհրաժեշտ է արդյունավետ աշխատելու համար՝ առանց լրացուցիչ ադապտերների. երկու լիարժեք չափի USB-A պորտ, արտաքին էկրաններ միացնելու համար նախատեսված HDMI ինտերֆեյս, բարձր արագությամբ USB 4.0 Type-C եւ լրացուցիչ USB 3.2 Type-C ինտերֆեյս, որը հարմար է լիցքավորման եւ տվյալների փոխանցման համար։ 

Նոթբուքը նաեւ հագեցած է լիարժեք չափի SD Express 7.0 քարտռիդերով, որը թույլ է տալիս արագորեն ներբեռնել բովանդակությունը անմիջապես տեսախցիկից։ Արտադրողներն ապահովել են բոլոր տեսակի պորտերը պրոֆեսիոնալ արտաքին սարքերին միանալու համար՝ սկսած գրաֆիկական պլանշետներից մինչեւ արտաքին կրիչներ եւ 4K մոնիտորներ։

AMD արտադրողականությունը AI առաջադրանքների համար 

Անկասկած, այս նոթբուքի ամենակարեւոր բաղադրիչը ոչ թե արտաքին տեսքն է, այլ՝ պրոցեսորը, որը կարող է ապահովել շատ ռեսուրս պահանջող ստեղծագործական առաջադրանքներ կատարելու համար անհրաժեշտ արտադրողականություն։ Նորարարական AMD Ryzen™ AI 9 HX 370 պրոցեսորը համատեղում է առօրյա եւ մասնագիտական առաջադրանքների համար նախատեսված բացառիկ արտադրողականությունը՝ ապարատային մակարդակի արհեստական բանականության հնարավորությունների հետ։ XDNA նեյրոնային պրոցեսորը ապահովում է մինչեւ 50 TOPS՝ թույլ տալով անմիջապես կատարել բարդ առաջադրանքներ՝ խոսքի ճանաչումից եւ Adobe Premiere Pro-ում ավտոմատ կադրերի բաժանումից մինչեւ արհեստական բանականության էֆեկտների ստեղծում եւ արագացված ռենդերինգ։ Արհեստական բանականության ընդհանուր արտադրողականությունը գերազանցում է 80 TOPS-ը, ինչի շնորհիվ այս նոթբուքն իդեալական սարք է ժամանակակից ստեղծագործական առաջադրանքների համար։

ProArt P16 մոդելը հագեցած է NVIDIA® GeForce RTX™ 5070 նոթբուքերի համար գրաֆիկական քարտով, որը NVIDIA Studio էկոհամակարգի մաս է կազմում։ Սա նշանակում է առավելագույն համատեղելիություն մասնագիտական ծրագրերի հետ (Adobe, DaVinci Resolve, Autodesk եւ այլն) եւ հետեւողականորեն բարձր արտադրողականություն։ Ամենակարեւորն այն է, որ այս գրաֆիկական քարտը բացում է անհավանական հնարավորություններ արհեստական բանականության հետ կապված առաջադրանքների կատարման հարցում։ RTX 5070 GPU-ն կատարում է մինչեւ 798 տրիլիոն գործողություն վայրկյանում՝ արագացնելով պատկերի եւ տեքստուրայի ստեղծումը, ինչպես նաեւ իրական ժամանակում եռաչափ մոդելավորումն ու ռենդերինգը։ Այսպիսի քարտ օգտագործելու դեպքում խմբագրումը, գույների ուղղումը եւ տեսողական էֆեկտների վրա աշխատելը շատ ավելի արագ եւ ճշգրիտ է։

Ստեղծագործելու համար նախատեսված AI հավելվածները

Բովանդակություն ստեղծողների համար նոթբուքն առաջարկում է ASUS-ի կողմից մշակված խելացի հավելվածներ, որոնք զգալիորեն արագացնում են աշխատանքային գործընթացը։

Նախ, այստեղ ներկայացված է StoryCube հավելվածը, որը թույլ է տալիս ավտոմատ կերպով տեսակավորել եւ գտնել լուսանկարներ եւ տեսանյութեր հսկայական արխիվներում։ Հավելվածն ավտոմատ կերպով ճանաչում է դեմքերը, տեսարանները եւ առարկաները՝ խմբավորելով նյութերը թեմատիկ պանակների մեջ։ Պատկերացրեք՝ վերադարձել եք ճամփորդությունից եւ ձեր տեսախցիկից ու հեռախոսից նոթբուքի մեջ ներբեռնել հարյուրավոր լուսանկարներ ու տասնյակ տեսանյութեր։ Բովանդակությունը հատ-հատ նայելու եւ տեսակավորելու փոխարեն StoryCube-ը օգնում է ձեզ կազմակերպել ֆայլերը թեմատիկ պանակների մեջ՝ ըստ թեմաների կամ վայրերի, օրինակ՝ «լողափ», «Բարսելոնա» կամ «թանգարան»։ Սա թույլ է տալիս անմիջապես անցնել խմբագրմանը՝ առանց բոլոր նյութերի տեսակավորման վրա ժամանակ վատնելու։

Մեկ այլ հավելված՝ MuseTree-ն, ստեղծում է պատկերներ եւ աշխատում է օֆլայն ռեժիմով։ Օգտատերը կարող է հավելվածին տեքստի, ուրվագծի կամ «գաղափարների քարտեզի» տեսքով թեմա առաջարկել, իսկ արհեստական բանականությունը կնկարի մնացածը։ Հավելվածը կարող է օգտագործվել անխափան ինտերնետային կապի բացակայության դեպքում կամ ճանապարհորդելիս։

Կրեատիվ նախագծերով զբաղվող մասնագետների համար արտադրողներն առաջարկում են օգտվել ProArt Creator Hub-ից։ Սա կարգավորումների կենտրոն է, որը թույլ է տալիս ճկուն կերպով կարգավորել էկրանի արտադրողականության վիզուալ պարամետրերը կամ էկրանի գույները։ 

Նախագծի վրա աշխատանքի ընթացքում թարմացման կարիք ունեցող կարգավորումներին արագ հասնելու համար տեղադրված է DialPad կառավարիչ։ Այն ներկառուցված է թաչփադի մեջ եւ թույլ է տալիս ճշգրտել կարգավորումները։ Օրինակ՝ կարող եք արագ եւ հարմար կերպով փոխել վրձնի չափը, մասշտաբավորել կտավը կամ արագորեն չեղարկել գործողությունները: Այն աջակցում է բազմաթիվ հայտնի գրաֆիկական եւ վիդեո խմբագրող ծրագրերի եւ հավելվածների։

AI-ը հարմարավետ աշխատանքի համար 

Ստեղծագործելու համար նախատեսված հավելվածներից բացի, նոթբուքն օգտագործում է արհեստական բանականությունն անվտանգության եւ ձայնի կարգավորման համար։ Օրինակ՝ ASUS AiSense տեսախցիկը արձագանքում է հայացքին․ եթե օգտատերը նայում է այլ կողմ, էկրանը մարում կամ բլոկավորվում է այն դեպքում, երբ հեռանում եք նոթբուքից։

Տեսազանգերի համար AI աղմուկի չեղարկման համակարգը զտում է ֆոնային աղմուկը՝ խոսքը պարզ դարձնելու համար, երբ տեսազանգի եք միացել աղմկոտ սենյակից։ Եվ, իհարկե, նոթբուքը հագեցած է Copilot ստեղնով՝ Microsoft-ի արհեստական բանականության օգնականին կանչելու համար։

Ստեղծագործելու համար նախատեսված դիսփլեյ

Գրաֆիկական դիզայների կամ խմբագրի համար կարեւոր է ճշգրիտ փոխանցել նախագծի բոլոր երանգներն ու մանրամասները։ ProArt P16-ը նախատեսված է հենց այս կարիքների համար։ ASUS Lumina OLED 4K սենսորային էկրանը իդեալական է գունային դասակարգման եւ ցանկացած ստեղծագործական աշխատանքի համար, որի ընթացքում կարեւոր է յուրաքանչյուր երանգը։ 100% DCI-P3 գունային ծածկույթի եւ Pantone հավաստագրման շնորհիվ էկրանին պատկերը հարուստ է, իրատեսական եւ բալանսավորված՝ անկախ պայծառության մակարդակից։

Բացի դրանից, կարեւոր է նշել բարձր ցայտագունությունը (1,000,000:1) եւ 0.2 մ/վրկ ակնթարթային արձագանքման ժամանակը, ինչը պատկերը դարձնում է պարզ նույնիսկ կադրի դինամիկ փոփոխության դեպքում։

Ամբողջ օրվա ընթացքում հարմարավետ աշխատանքի համար ASUS Lumina OLED-ը 70%-ով նվազեցնում է կապույտ լույսի արտանետումը․ այն հավաստագրված է TÜV Rheinland-ի եւ SGS-ի կողմից, ինչն անվտանգ է դարձնում նույնիսկ զգայուն աչքերի եւ երկարատեւ օգտագործման համար։ Դիսփլեյը նաեւ հագեցած է սենսորով՝ լուսավորության աստիճանից կախված պայծառության եւ գունային ջերմաստիճանի ավտոմատ կարգավորման համար։

Էկրանը պաշտպանված է Corning Gorilla Glass NBT-ով, որը 6 անգամ ավելի ամուր է, քան սովորական ապակին եւ մինչեւ 92% լույս է անցկացնում։

Ամուր կորպուս

ASUS նոթբուքերը ենթարկվում են ավելի քան 20 MIL-STD 810 թեստերի, այդ թվում՝ թրթռման, փոշու, ծայրահեղ ջերմաստիճանի եւ խոնավության թեստերի։ Այս թեստերը ապահովում են ամրության պաշար՝ տանը, գրասենյակում կամ ճանապարհին ամենօրյա օգտագործման դեպքում։ 

Բացի դրանից, ASUS-ն օգտատերերին առաջարկում է ASUS Perfect Warranty ընդլայնված երաշխիքի ծրագիրը, որը պաշտպանում է սարքը այն վնասներից, որոնց դեպքում չի գործում արտադրողի ստանդարտ երաշխիքը։

Այն վերաբերում է 2025 թվականի հունվարի 1-ից գնված ASUS, ROG եւ TUF նոթբուքերին եւ ապահովում է պաշտպանություն պատահական անկումից, հոսանքի տատանումներից, հեղուկի պատճառած վնասից, ինչպես նաեւ ֆիզիկական վնասներից: ASUS Perfect երաշխիքից օգտվելու համար օգտատերը պետք է ստեղծի ASUS հաշիվ եւ գրանցի նոթբուքը գնումից հետո 90 օրվա ընթացքում: 

Ո՞ր օգտատերերի համար է նախատեսված ProArt P16-ը

ASUS ProArt P16-ը նախատեսված է վիզուալ կոնտենտի հետ աշխատող պրոֆեսիոնալների համար։ Այն համալրված է 64 ԳԲ օպերատիվ հիշողությամբ, նոթբուքերի համար նախատեսված NVIDIA RTX 5070 դիսկրետ գրաֆիկական քարտով, OLED էկրանով, ինչպես նաեւ լավ մտածված AI հնարավորություններով։ Հենց իր շարժունակության եւ տասնյակ թեստերով ստուգված ամուր կորպուսի շնորհիվ այս նոթբուքով կարելի է աշխատել ցանկացած վայրում։

Իհարկե, ProArt P16-ը հարմար է նաեւ առօրյա առաջադրանքների համար։ Այնուամենայնիվ, DialPad-ի եւ StoryCube-ի նման գործառույթները զգալիորեն արագացնում են մեծ ծավալի ֆայլերի հետ աշխատող մասնագետների առօրյա առաջադրանքների կատարումը։ Եթե փնտրում եք ստեղծագործական աշխատանքի համար նախատեսված հուսալի եւ հզոր նոթբուք, ապա ProArt P16-ը 2025 թվականի շուկայում լավագույն տարբերակն է։