Մասկը հայտարարել է նոր քաղաքական կուսակցություն ստեղծելու մասին

Tesla-ի բաժնետոմսերը 7%-ով անկում են ապրել, երբ Իլոն Մասկը հայտարարել է Միացյալ Նահանգներում նոր քաղաքական կուսակցություն ստեղծելու մտադրության մասին։

ԱՄՆ նախագահ Դոնալդ Թրամփը միլիարդատիրոջ գաղափարն անվանել է «ծիծաղելի»։

Հուլիսի 7-ի նախաշուկայում Tesla-ի բաժնետոմսերը 7.1%-ով անկում են ապրել՝ հասնելով 291.88 դոլարի։ 

Tesla-ի բաժնետոմսերը սկսել են անկում ապրել, երբ ընկերության գործադիր տնօրեն Իլոն Մասկը հայտարարել է «Ամերիկա» նոր քաղաքական կուսակցության ստեղծման մասին, որն «ազատություն կբերի ամերիկացիներին»։ Ի պատասխան՝ ԱՄՆ նախագահ Դոնալդ Թրամփը հայտարարել է, որ Մասկը «ամբողջովին խելագարվել է»։

Business Insider-ը նշում է, որ Tesla-ի ներդրողները «հոգնել են Մասկի քաղաքականության նկատումներից», - մեջբերում է վերլուծաբան Դեն Այվսը։ Նա նաեւ ասել է, որ «Թրամփը կարող է ավելի շատ խնդիրներ ստեղծել Մասկի, Tesla-ի եւ SpaceX-ի համար»։ 

Սա առաջին դեպքը չէ, որ Tesla-ի բաժնետոմսերը վերջերս անկում են ապրել. 2025 թվականի հուլիսի 1-ին ընկերության արժեթղթերը կորցրել էին 7.7% եւ վաճառվում էին 293.21 դոլարով՝ Մասկի եւ Թրամփի հրապարակային հակամարտության ֆոնին։ 

Ձեռնարկատիրոջ եւ ԱՄՆ նախագահի միջեւ հակամարտությունը ծագել է ԱՄՆ-ում պետական ծախսերի եւ հարկերի վերաբերյալ օրենքի նոր նախագծի պատճառով, որը Մասկը պարբերաբար քննադատում էր։