photo © Perplexity
photo © Perplexity

Perplexity-ն թողարկել է Comet AI բրաուզերը՝ անձնական օգնականով

Perplexity ընկերությունը, որը հայտնի է իր AI որոնողական համակարգով, ներկայացրել է Comet-ը՝ արհեստական բանականությամբ աշխատող վեբ զննարկիչը:

Առայժմ այն հասանելի է միայն Perplexity Max պլանի բաժանորդներին, որի արժեքը ամսական 200 դոլար է, եւ սահմանափակ թվով օգտատերերի, որոնք գրանցվել են սպասման ցուցակում:

Ծառայության հիմնական առանձնահատկությունը ներկառուցված AI գործակալ Comet Assistant-ն է: Այն կարող է ամփոփել էլեկտրոնային նամակները, վերլուծել օրացույցի իրադարձությունները, կառավարել ներդիրները եւ կատարել այլ առօրյա առաջադրանքներ: Օգնականը ինտեգրված է կողային վահանակում՝ Microsoft Edge-ի Copilot-ի նմանությամբ։ Այն կարող է վերլուծել էջերի բովանդակությունը՝ տալով պատասխաններ համապատասխան հարցումներին:

photo © Perplexity

TechCrunch-ի լրագրողները, որոնք փորձարկել են զննարկիչը, նշում են, որ օգնականը լավ է հաղթահարում պարզ առաջադրանքները, բայց «փլուզվում է», երբ խոսքը վերաբերում է ավելի բարդ առաջադրանքների: Բացի այդ, այն պահանջում է բազմաթիվ թույլտվություններ աշխատելու համար, ներառյալ էկրանին, օրացույցին եւ էլեկտրոնային փոստին մուտք գործելը:

Հարկ է նշել, որ զննարկչի լռելյայն որոնողական համակարգը Perplexity-ն է: Հղումների ստանդարտ ցանկի փոխարեն օգտատերերը ստանում են արհեստական բանականության կողմից ստեղծված ամփոփագրեր: