Ucom-ը ներդնում է SatsifAI հարթակը

Ucom-ը, հավատարիմ մնալով իր հաճախորդակենտրոն մոտեցմանը, ներդնում է հարցումների SatisfAI նորարարական հարթակը՝ հաճախորդների գոհունակության եւ սպասարկման փորձի շարունակական վերլուծության նպատակով:

SatisfAI-ի կիրառումը Ucom-ին հնարավորություն կտա անցկացնել NPS (Net Promoter Score/ Հաճախորդների գոհունակության ցուցանիշ) եւ այլ արագ ու պարզ հարցումներ, իրական ժամանակում վերլուծել տվյալները եւ ավելի արագ արձագանքել հաճախորդների կարիքներին։ 

SatisfAI-ը առավելագույնս հեշտացրել է այդ գործընթացը՝ տրամադրելով հարմարավետ ինտերֆեյս եւ տվյալների վերլուծության ավտոմատացված գործիքներ։ 

«Հարցումների համակարգի ներդրումը համահունչ է Ucom-ի հաճախորդակենտրոն ռազմավարությանը։ Մեր բաժանորդներից յուրաքանչյուրի համար հարմարավետ թվային փորձառություն ապահովելու համար մենք ձգտում ենք կիրառել այդ պահին հասանելի ամենավերջին նորարարական լուծումները։ Վստահ եմ` SatisfAI հարթակը կօգնի, որ տվյալների վրա հիմնված որոշումների միջոցով շարունակաբար բարձրացնենք ծառայությունների որակը», - նշել է Ucom-ի գլխավոր տնօրեն Ռալֆ Յիրիկյանը։ 

«Ուրախ ենք Ucom-ի հետ այս համագործակցության մեկնարկի համար։ Մինչ այս մեր հարթակը հաջողությամբ ներդրվել է մի շարք բանկերում, իսկ այժմ Ucom-ն առաջինն է դառնում Հայաստանի հեռահաղորդակցության ոլորտում, որը կկիրառի մեր լուծումները։ Առաջին փուլով հարթակի բազային ֆունկցիաներն արդեն ներդրվել են, ակնկալում ենք, որ շուտով արհեստական բանականության մոդուլը նույնպես կկիրառվի Ucom-ում», - ասել է SatisfAI –ի համահիմանդիր Հայկ Կարապետյանը։  
NPS հարցումը տարածված միջազգային մեթոդաբանություն է, որն օգտագործվում է ընկերության հանդեպ հաճախորդների հավատարմության եւ ծառայություններից բավարարվածության աստիճանն արագ պարզելու համար: 

Համակարգը հնարավորություն է տալիս ծառայության մատուցման ավարտից անմիջապես հետո SMS-ի, մոբայլ հավելվածի կամ էլեկտրոնային փոստի միջոցով կապ հաստատել հաճախորդի հետ եւ կարճ հարցման միջոցով գնահատել նրա հավատարմությունը, ինչպես նաեւ՝ սպասարկման որակից գոհունակությունը։