Zangi-ում ամսական գրանցումների թիվը հասնում է մոտ 6 միլիոնի

Հայկական Zangi հավելվածի նոր գրանցումների թիվն ամսական հասնում է 6 միլիոնի, այս մասին իր ֆեյսբուքյան էջում գրել է Zangi-ի հիմնադիր եւ գործադիր տնօրեն Վահրամ Մարտիրոսյանը։

Նրա խոսքով՝ Ռուսաստանում Whatsapp-ի ու Telegram-ի սահմանափակումների ֆոնին Zangi-ի պահանջարկը բարձրացել է նաեւ Հայաստանում եւ Max-ի հետ կիսում են առաջին հորիզոնականները։

«Ռուսաստանում Whatsapp-ի ու Telegram-ի սահմանափակումների ֆոնին Զանգին Հայաստանում էլ բարձարացավ, եւ Max-ի հետ կիսում ենք առաջին հորիզոնականները։ Կարդում եմ նաեւ մեր օգտատերերի տրամաբանական գրառումները, թե ինչու ավելի ակտիվ չենք եւ ինչու Զանգին չի գովազդվում։
Ասեմ, որ աշխարհով մեկ Զանգի-ում նոր գրանցումները ամսական քանակը մոտենում է 6 միլիոնի։ Աշխարհի երկրների կեսում թոփ չարթերի մեջ ենք։ Նույնիսկ Ռուսաստանի նման մեծ շուկան մեզ համար արդեն հերթական շուկա է։

Մենք զարգանում ենք լրիվ օրգանիկ հիմքով, մինչեւ այս պահը գովազդի/մարքեթինգի վրա ծախսել ենք 0 լումա։

Բիզնեսի մի գաղտնիք բացեմ՝ աճի կառավարումը մեծ մարտահրավեր է։ Հենց հիմա Զանգի-ի գլոբալ աճի կառավարումը մեր ընկերության գլխավոր խնդիրն է։ Հիշում ե՞ք ClubHouse-ը, BeReal-ը եւ շատ այլ ընկերություններ, ովքեր ոգեւորվելով աճից, ու էլ ավելի այն արագացնելուց, ուղղակի վառվեցին։

Մենք կառուցում ենք կայուն հիմքով գլոբալ կորպորացիա։ Դրա համար կարող է թվալ, թե պասիվ ենք, բայց ընդհանրապես այդպես չէ։ Մեր տեսլականը հստակ է, մեր ռազմավարությունը հստակ է, մեր առջեւ դրված խնդիրների ճանապարհային քարտեզը եւս հստակ է»,- գրել է Վահրամ Մարտիրոսյանը։