AI, ML, IoT եւ ինքնավար տրանսպորտ՝ ՀԱՀ-ի հետազոտական ուղղություններից մի քանիսը

Հայաստանի Ամերիկյան Համալսարանը (ՀԱՀ) ծրագրում է ընդլայնել իր հետազոտական պորտֆելը եւ դիրքավորվել որպես Հայաստանի առաջատար ակադեմիական հաստատություն։

Համալսարանի կայքում հրապարակված հարցազրույցում ՀԱՀ նախագահ դոկտոր Բրյուս Պողոսյանն անդրադարձել է համալսարանի 10 տարվա ռազմավարական առաջնահերթություններին, որոնց թիրախում գիտության ապագան է՝ AI-ից մինչեւ ինքնավար տրանսպորտային համակարգեր։ 

«Զավեն եւ Սոնյա Ակյանի անվան գիտության եւ ճարտարագիտության քոլեջում այս պահին ուսումնասիրվում են տրանսպորտային համակարգերի օպտիմալացումը, երթեւեկության խելացի կառավարումը եւ ինքնավար տրանսպորտային միջոցներով ճանապարհների ապագան», – նշել է դոկտոր Բրյուս Պողոսյանը։

Նրա խոսքով՝ մեծ ուշադրության են արժանացնում միջառարկայական ուղղություններին, ինչպիսիք են թվային հումանիտար գիտությունները, թվային կառավարումը, ավտոմատացումն ու ռոբոտաշինությունը։

«Մեր առաջնահերթություններից են նաեւ առաջատար տեխնոլոգիաների՝ իրերի ինտերնետի (IoT), 3D տպագրության, թվային թվինինգի, արհեստական բանականության եւ մեքենայական ուսուցման հետազոտությունները։ Ակնկալում ենք, որ AI-ի եւ ML-ի վերաբերյալ հետազոտությունները զգալի աճ կապրեն NVIDIA-ի եւ Firebird-ի գերհամակարգիչների ներդրմամբ», - ընդգծել է ՀԱՀ նախագահը։