OpenAI-ը պայմանագիր է կնքել Oracle-ի հետ

OpenAI-ը պայմանագիր է կնքել Oracle-ի հետ՝ 300 միլիարդ դոլարով հաշվողական հզորություն գնելու համար: 

Սա պատմության մեջ ամենամեծ «ամպային» պայմանագրերից մեկն է, գրում է The Wall Street Journal-ը։ The New York Times-ի աղբյուրների խոսքով՝ ստորագրված պայմանագիրը լրացուցիչ ենթակառուցվածքների՝ ԱՄՆ-ում տվյալների կենտրոնների «կառուցման» մասին է։

WSJ-ի տվյալներով՝ գործարքը ռիսկային է երկու կողմերի համար։ Անշահավետ OpenAI-ը «ավելի շատ գումար է այրում, քան ցանկացած այլ ստարտափ»։ Oracle-ը, որի պայմանագրային եկամուտը մեծապես կախված կլինի դրանից, ամենայն հավանականությամբ վարկեր կվերցնի, որպեսզի ապագա կենտրոնների համար չիպեր գնի: 

Oracle-ի բաժնետոմսերը բարձրացել են ավելի քան 40%-ով՝ հայտարարելով 317 միլիարդ դոլարի եկամտի մասին, որը ընկերությունը պետք է ստանա ապագա պայմանագրերից։ 

Oracle-ի բաժնետոմսերը մեկ բաժնետոմսի համար 241-242 դոլարից կտրուկ աճեցին մինչեւ 345 դոլար։ Դրա շնորհիվ ընկերության համահիմնադիր Լարի Էլիսոնը կարողացավ կարճ ժամանակով գերազանցել Իլոն Մասկին ամենահարուստ մարդկանց ցուցակում։ 

2025 թվականի հունվարին OpenAI-ը, Oracle-ը եւ SoftBank-ը ստեղծել են Stargate-ը՝ Միացյալ Նահանգներում տվյալների կենտրոններ կառուցելու համար՝ սկզբնական 100 միլիարդ դոլարի ներդրմամբ եւ չորս տարվա ընթացքում մինչեւ 500 միլիարդ դոլար ներդնելու ցանկությամբ: WSJ-ը գրում է, որ ներկայիս համաձայնագիրը այս նախաձեռնության մի մասն է։ Stargate-ի շինարարական աշխատանքներն արդեն ընթացքի մեջ են Տեխասի Աբիլին քաղաքում: Կան նաեւ հաշվողական համալիր կառուցելու ծրագրեր ԱՄԷ-ում: