DeepSeek-ի հիմնադիրը՝ TIME-ի 2025-ի ամենաազդեցիկ մարդկանց շարքում

TIME-ը հրապարակել է 2025 թվականի 100 ամենաազդեցիկ մարդկանց ամենամյա ցուցակը, եւ DeepSeek-ի հիմնադիր Լիանգ Վենֆենգը նույնպես հայտնվել է այդ վարկանիշում։

Այն բաժանված է 6 կատեգորիայի՝ արվեստագետներ, նորարարներ, տիտաններ, կումիրներ, պիոներներ եւ առաջնորդներ:

Վարկանիշում ներառվել են նաեւ հետեւյալ հայտնի ձեռնարկատերերը.

Առաջնորդներ

•    Իլոն Մասկը Tesla-ի եւ SpaceX-ի գործադիր տնօրենն է, Neuralink, xAI-ի համահիմնադիրը եւ X-ի սեփականատերը:
•    Հովարդ Լութնիկը ֆինանսական ծառայություններ մատուցող Cantor Fitzgerald ընկերության նախկին գործադիր տնօրենն է, 2025 թվականի փետրվարից՝ ԱՄՆ Առեւտրի նախարարության քարտուղարը։

Տիտաններ

•    Մարկ Ցուկերբերգը Meta-ի ղեկավարն է, որին պատկանում է Instagram-ը, Facebook-ը, Threads-ը եւ WhatsApp-ը։
•    Լիզա Սուն AMD պրոցեսոր արտադրող ընկերության ղեկավարն է:
•    Թեդ Սարանդոսը Netflix-ի առաջատարներից է, որը պատասխանատու է հոսքային ծառայության բովանդակության համար 2000 թվականից։
•    Դագ ՄակՄիլոնը Walmart-ի ղեկավարն է:
•    Ալեքս Կարպը Palantir-ի տվյալների վերլուծության ծրագրակազմի համահիմնադիրն ու գործադիր տնօրենն է:
•    Սթիվեն Սքուերին American Express ֆինանսական ընկերության գործադիր տնօրենն է, որը ստեղծել է համանուն վճարային համակարգը։

Պիոներներ

•    Google-ի DeepMind AI բաժնի ղեկավար Դեմիս Հասաբիսը քիմիայի բնագավառում 2024 թվականի Նոբելյան մրցանակի է արժանացել։
•    Դարիո Ամոդեյը Anthropic-ի գործադիր տնօրենն է եւ համահիմնադիրը, Claude չատբոտի եւ համանուն AI մոդելների ընտանիքի մշակողը:
•    Լիանգ Վենֆենգը DeepSeek-ի հիմնադիրն ու գործադիր տնօրենն է:

TIME-ի կազմած ամբողջական վարկանիշին կարող եք ծանոթանալ այստեղ։