OpenAI-ի գործադիր տնօրեն Սեմ Ալթմանը հայտարարել է, որ ընկերությունը կրկին հետաձգում է իր բաց կոդով մոդելի թողարկումը, որը պետք է թողարկվեր հաջորդ շաբաթ:
Սա երկրորդ անգամն է, որ ընկերությունը հետաձգում է թողարկումը եւ այս անգամ՝ առանց նոր թողարկման ամսաթիվ հայտարարելու։
«Մեզ ժամանակ է պետք լրացուցիչ անվտանգության թեստեր անցկացնելու եւ բարձր ռիսկի գոտիները ուսումնասիրելու համար: Մենք դեռ չգիտենք, թե որքան ժամանակ կտեւի դա: Սա մեզ համար նոր փորձ է: Մենք հավատում ենք, որ համայնքը կկարողանա մեծ գործեր կատարել այս մոդելի միջոցով»,- նշել է Սեմ Ալթմանը։
Դրա թողարկումը համարվում է ամռան ամենասպասված իրադարձություններից մեկը արհեստական բանականության ոլորտում: Ի տարբերություն ընկերության մյուս նեյրոնային ցանցերի եւ առաջիկա GPT-5-ի, բաց կոդով մոդելը մշակողների համար հասանելի կլինի անվճար ներբեռնման եւ տեղական օգտագործման համար:
TechCrunch-ի տվյալներով՝ բաց մոդելը կունենա նույն դատողությունների հնարավորությունները, ինչ o-շարքը։ Ընկերությունը նաեւ քննարկում է արհեստական բանականության ամպային տարբերակների հետ ինտեգրման հեռանկարը՝ բարդ հարցումներ լուծելու համար։ Հունիսին, երբ Ալթմանը հայտարարեց առաջին հետաձգման մասին, նա նշեց, որ թիմը հասել է «անսպասելի եւ զարմանալի» արդյունքի, որը պահանջում է հետագա կատարելագործում։
16:45 | 14.07.25 |
Նորություններ
AI-ը համալրում է Թումոյի կրթական ոլորտների ցանկը
12:49 | 14.07.25 |
Նորություններ
xAI-ը վերահսկման նոր գործիք է ներդնում Grok-ի մարզիչների համար
