ՌոբոԴրոն հաքաթոնի մրցանակային ֆոնդը կազմում է $5,000

Մայիսի 30-31-ին e-Logi Fest25-ի շրջանակում կանցկացվի «ՌոբոԴրոն. ցամաքային եւ օդային լոգիստիկայի նորարարական լուծումներ» հաքաթոնը։

Կարող են մասնակցել թե´ ծրագրային, թե´ սարքային լուծումներ առաջարկող թիմեր եւ անհատներ:

Հաքաթոնի հիմնական մարտահրավերներն են՝

•    Բեռ առաքող անօդաչու սարքի նախատիպ (HW);
•    Իրավիճակային իրազեկման կենտրոն՝ անօդաչու սարքերով առաքման ծառայությունների համար (SW);
•    ԱԲ-ի վրա հիմնված երթուղիների պլանավորման եւ լոգիստիկ գործընթացների լավարկում (SW)։

Կպարգեւատրվեն այն թիմերը, որոնք կառաջարկեն լավագույն լուծումները՝ առաջադրված մարտահրավերների համար։

Դիմելու վերջնաժամկետը մայիսի 15-ն է, գրանցվել հնարավոր է այստեղ։

«ՌոբոԴրոն. ցամաքային եւ օդային լոգիստիկայի նորարարական լուծումներ» հաքաթոնը կազմակերպվում է e-Logi Fest25-ի շրջանակում «ԻՎԵՆԹ ԸՆԴ ԷՔՍՊՈ ԳՐՈՒՓ»-ի պաշտոնական նախաձեռնությամբ՝ «Ինովացիոն լուծումների եւ տեխնոլոգիաների կենտրոն» հիմնադրամի իրականացմամբ։