WhatsApp-ում հնարավոր կլինի թաքցնել հեռախոսահամարը

WhatsApp-ը պատրաստվում է ներդնել երկար սպասված գործառույթ՝ օգտանունների օգտագործումը: 

Նորարարությունը թույլ կտա ձեզ շփվել՝ առանց ձեր իրական հեռախոսահամարը բացահայտելու անհրաժեշտության:

Այս գործառույթը նկատվել է հավելվածի վերջին բետա տարբերակում՝ չնայած այն դեռ հասանելի չէ նույնիսկ փորձարկողների համար: Այնուամենայնիվ, կոդում կա հաստատում, որ օգտատերերը շուտով կկարողանան ստեղծել եզակի օգտանուններ: 

Նշվում է, որ օգտանունը չի կարող սկսվել «www.»-ով, քանի որ դա կարող է մոլորեցնել օգտատերերին՝ ստիպելով նրանց մտածել, որ նրանք փոխազդում են պաշտոնական կայքի հետ։ Այն չի կարող բաղկացած լինել միայն թվերից կամ նշաններից՝ պետք է պարունակի առնվազն մեկ տառ։

Գործառույթը դեռեւս մշակման փուլում է եւ հասանելի չէ փորձարկման համար, ուստի թողարկման ամսաթիվը մնում է անհայտ։